Missiun Cristalla – alla tscherca dalla cristalla magica
Nua sesanfla la cristalla cun forzas magicas che Pader Placi a Spescha ha zuppau el 18avel tschentaner?
Cun informaziuns sin diversas tablas e cun agid d’in pader dalla claustra han las participontas e participonts da sligiar legns per anflar ils differents posts enteifer la vischnaunca da Mustér. Magari drova ei sabientscha, autras gadas in tec forza ni ch’igl ei da luvrar el team. Creativitad e bunas ideas ein dumandadas.
Havein nus svegliau vossas marveglias? Fatg gust da passentar entginas uras el liber? Veser ed emprender d’enconuscher bein enqual interessanta caussa dil vitg da Mustér ed endriescher entginas historias da Pader Placi a Spescha?
L’aventura Missiun Cristalla entscheiva cun la reservaziun online sin la pagina d’internet www.missiun-disentis.ch. Sut quei link anfleis ulteriuras informaziuns davart quella purschida.
Nus giavischein bien divertiment e bien success.
da seniester a dretg:
Gion Hosang (meinagestiun dil Center Fontauna), Alfons Quinter (parsura dalla direcziun – Banca Raiffeisen Cadi), René Epp (president communal da Mustér), Clemens Berther (president dalla cumissiun Center Fontauna)
In’aventura per pign e grond.
In’excursiun atras la biala cuntrada da Mustér.
El team tier la sligiaziun.
Tgi che fa bugen legns vegn ad esser incantaus dalla “Missiun Cristalla”