Sut la bitgetta dil selvicultur Andreas Stucki ha il team plantau 60 plontinas da larisch e douglasias. Per schurmegiar quellas da donns da ruis entras selvaschinas ei vegniu construiu entuorn la plontaziun ina gronda seiv da lenn. La lavur nunusitada ha fatg suar e procurau per entginas nodas blauas, sgreffels e schizun ina sola da calzers ha stuiu crer vidlunder. Il plascher vid la lavur el liber ei denton staus el center ed ha procurau per enquala risada.
La lavur manuala egl uaul ha naturalmein era fatg fom e seit. Suenter la lavur ha il team astgau guder ina buna grillada, semtgada dalla Sechentaria da carn Pally SA. In grond engraziament per il buontad gentar.