settember – gartegiada ed interessanta sera da referat e discussiun cun Claudio Gienal

Gievgia, ils 14 da settember 2023, ha giu liug a Sedrun il referat inspiront da Claudio Gienal cun il tema «Influenzeschan las valurs dalla Cadi nies agir ella veta professiunala?»

Fidonza e respect – quei ein duas dallas valurs ch’influenzeschan dapi l’affonza Claudio Gienal, oriunds da Mustér. Duront siu referat ha Claudio, grazia a sia maniera genuina, gest sez purschiu a nus la risposta ed ha possibilitau a nus in’investa en siu mintgadi professiunal sco CEO dalla AXA Gronda Bretagna & Irlanda.
Nus engraziein a Vus per la stedia participaziun ed igl interess demussau.